Ауылымыздың табиғаты мейілінше алуан түрлі оның байтақ жерінде тау, төбелер мен жазықтар бар. Ауыл жерінң ең биік нүктесі «Комсомол шыңы».Биіктігі -1403 м. «Жарлы» Өзені Қарқаралы ауданындағы Қарасор көлінің алабына жатады. Бүйір тас тауының оңтүстік беткейлеріндегі екі бұлақтан бастау алады. ¥зындығы-143 км.су жинайтын алабы-5560 км,жоғары ағысында «Ащы өзек», ортаңғы ағысында «Милыбұлақ» суының тұсында «Көктал» төменгі ағысында «Акшоқы» суының маңында «Ежебай» салалары келіп құйылғаннан кейін «Жарлы» деи аталады. «Жарлынын» 5-10 саласы бар олардың ішіндегі ең ұзындары «Тайшық» пен «Қопа». Жарлыға Қарқаралы тауының оңтүстік және батыс шеттерінен ағатын өзендер бағытталғын.Су жиналатын алабының жоғары бөлігі бұйратты, ортаңғы жэне төменгі бөліктеріндегі едәуір биік шоқылары бар.Көптеген көлдері бар.Негізінен қар суымен қоректенеді.Мұзы қарашада қатып, көктемде түседі. Су қайтқан кезде өзен кара суларға бөлініп қалады, жағаларында үйеңкі, қарағай, тал өседі. Өзеннің жоғарғы жағы суы тұщы таза, ауыз суына жарамды. Ортаңғы және төменгі ағыстарының суы ащы суаруға пайдаланады. «Жарлы» жерінде «Қарқуыс», «Түнқатар», «Қаршоқы», «Қызылтас» таулары бар. Қыран құстар, тау ешкілері кездеседі. Орманды алқаптарында бұландар, маралдар, борсық пен орман тышқандары бар. Ормандар мен далаларда қасқыр, қоян, қарсақ, түлкі мекендейді. Бұл таулардың шатқалдарында жеміс — жидек бұталары өседі.