Сарыарқа даласының інжу-маржаны Қазақстанның Швейцариясы аталатын Қасиетті Қарқаралы иісі қазақтың сан тараулы шежіресімен тамырласып жатқан өлке.
Қарқаралы ертеден-ақ бүкіл қазақ елінің саяси-мәдени және экономикалық орталықтарының бірі болғаны белгілі. Қарқаралы өңірінің қасиетті топырағында қалың елім ел бірлігінің туын көтерген қоғам қайраткерлері, жез таңдай шешендер, от ауызды орақ тілді ақындар, аспандағы аққуға үн қосқан күміс көмей әншілер, жұртшылықты ғажап өнерімен тәнті еткен табиғи талант иелері дүниеге келген.